നിശ്ചയം
കലികാലമേ എന്നു നീ പോയ് മറയും
കഥയിതെന്നൊന്നു മാറിവരും
ഇനിയേതു കാലം വന്നണയും
ഇവിടത്തെ ഇരുളെന്നു മാഞ്ഞു പോകും
മൂല്യങ്ങൾക്കൊന്നും മൂല്യമില്ലാതായി
മുഖംമൂടിയണിഞ്ഞവരേറെയായി
ബുദ്ധിതന്നളവുകോൽ കൗശലമായി
ബന്ധങ്ങൾ മുഴുവനും നിർബ്ബലമായി
സത്യവും ധർമവും സ്നേഹവുമെല്ലാം
അർത്ഥമില്ലാത്ത പദങ്ങളായ് മാറി
അർത്ഥമതൊന്നിനേ അർത്ഥമുള്ളൂ
അല്ലാത്തതെല്ലാം മിഥ്യയായ് മാറി
എന്തെന്തു ഹീനമാം മാർഗ്ഗത്തിലൂടെയും
എന്തും നേടണമതൊന്നെ നിൻ ലക്‌ഷ്യം
എന്താണു നീയിതറിയാതെ പോകുന്നു
എന്താണു ലോകനീതിതൻ പൊരുളെന്ന്‌
കൗശലക്കാരേ കൊടും വഞ്ചകന്മാരേ
മാപ്പില്ല മാപ്പില്ല നിങ്ങൾക്കൊരിക്കലും
നരകത്തേക്കാളുമധമാം ദുർഘടം
നിങ്ങൾക്കു കാലമൊരുക്കിടും നിശ്ചയം
(എൻ.വി.ജി.)
കലികാലമേ എന്നു നീ പോയ് മറയും
കഥയിതെന്നൊന്നു മാറിവരും
ഇനിയേതു കാലം വന്നണയും
ഇവിടത്തെ ഇരുളെന്നു മാഞ്ഞു പോകും
മൂല്യങ്ങൾക്കൊന്നും മൂല്യമില്ലാതായി
മുഖംമൂടിയണിഞ്ഞവരേറെയായി
ബുദ്ധിതന്നളവുകോൽ കൗശലമായി
ബന്ധങ്ങൾ മുഴുവനും നിർബ്ബലമായി
സത്യവും ധർമവും സ്നേഹവുമെല്ലാം
അർത്ഥമില്ലാത്ത പദങ്ങളായ് മാറി
അർത്ഥമതൊന്നിനേ അർത്ഥമുള്ളൂ
അല്ലാത്തതെല്ലാം മിഥ്യയായ് മാറി
എന്തെന്തു ഹീനമാം മാർഗ്ഗത്തിലൂടെയും
എന്തും നേടണമതൊന്നെ നിൻ ലക്‌ഷ്യം
എന്താണു നീയിതറിയാതെ പോകുന്നു
എന്താണു ലോകനീതിതൻ പൊരുളെന്ന്‌
കൗശലക്കാരേ കൊടും വഞ്ചകന്മാരേ
മാപ്പില്ല മാപ്പില്ല നിങ്ങൾക്കൊരിക്കലും
നരകത്തേക്കാളുമധമാം ദുർഘടം
നിങ്ങൾക്കു കാലമൊരുക്കിടും നിശ്ചയം
(എൻ.വി.ജി.)
No comments:
Post a Comment